الجمعة، 23 أغسطس 2013

اضحك

- اضحك،
لا يزال هناك في العالم متسع للضحك. 
اضحك، 
لديك اسباب كثيرة للضحك.
- اضحك، 
حين تستغبيك الفتيات ويكذبن، 
ويظنن انك تصدقهن.
- اضحك،
حين يتبجح رجل الاعمال بامواله، 
ويقهقه ملء شدقيه.
- اضحك، 
حين يخبرك صديق سمج نكتة،
حتى ولو لم تكن مضحكة. 
- اضحك، 
حين ترى كيف يتصرف الركاب 
في وسائل النقل العامة.
- اضحك، 
حين تشاهد الفضائية السورية او الجزيرة، 
واضحك اكثر على المقتنعين بمصداقيتها. 
- حتى حين تتألم لمشهد انفجار في الضاحية ،
وحين ينفيه البعض ويختلق له الحجج
اضحك عليهم.
- و حتى حين تتألم  لمشهد الاطفال في الغوطة، 
وحين ينفيه البعض ويختلق له الحجج، 
اضحك عليهم. 
- انسى كل آلامك، 
كل هزائمك، 
كل احلامك الموؤدة، 
كل جراحك، 
واضحك.

- وحين تعود الى القرية 
في عطلة نهاية الاسبوع، 
اضحك كثيراً هناك يطيب الضحك 
مع رفاق الطفولة، 
اضحك على القرية النائمة واخبارها. 
- واضحك حين يتضاحكون عليك، 
همساً او علناً.
- واهم شيء، 
لا تنسى ان تضحك على نفسك،
فانت لم تزل كما انت،
فاضحك على جمودك، 
اضحك على خمولك، 
اضحك على قيادتك الرعناء، 
اضحك على حيائك 
اضحك حتى يحمر وجهك خجلاً كالعادة.
- اضحك.

الأربعاء، 21 أغسطس 2013

كلنا بفرد خندق


"كيف بدا تظبط هيدي ...كلنا بفرد خندق يعني ...كلنا بفرد خندق يعنيييييييي ...شو هالخندق هيدا ...الرجعية مع اسرائيل ..يعني اسرائيل معنا بفرد خندق"
يصرخ الرفيق نزار في المسرحية .
وقتها بال 76 تحالفت الحركة الوطنية مع مصر السادات والسعودية ضد النظام السوري البعثي واخدت منهون سلاح وهني حلفاء اسرائيل بالمبدأ. وساقبت انو اليمين تحالف مع سوريا ضد الفلسطيني وكان عم ياخد سلاح من اسرائيل بنفس الوقت.
كمان مرة يكرر التاريخ الماركسي نفسه بشكل مهزلة ومأساة.
بعض الرفاق الماركسيين رح يصيروا متل الرفيق نزار وهيدي اقوالون:
"نحنا مش مع النظام السوري يللي هوي نظام قمعي (وبيتغاضو عن كل مجازرو)، بس نحنا ضد جبهة النصرة والقوى الاسلامية السلفية (لانون بيقطعو روس) منشان هيك رح ندعمو مؤقتاً خاصة انو هوي وايران (يللي هيي سلفية شيعية) داعم المقاومة الاسلامية (السلفية الشيعية ايضاً) بوجه اسرائيل ولانو كمان عم يواجه التحالف السعودي القطري التركي (قطرائيل متل ما بيسميها احد رفاقنا بالنداء)"
 طيب عظيم لهون تمام.

"بس نحنا مع السيسي بمصر (يللي داعمتو السعودية والامارات يللي نحنا ضدون بسوريا) لانو ضد الاخوان المسلمين ( يللي ساقبت انو ايران بتحبون لانو نهضة اسلامية وقطر كمان). صحيح منعرف انو السيسي ما رح يلغي كامب دايفيد مثلاً يعني السيسي ممكن يكون مع اسرائيل متل ما ترجمت جريدة الاخبار عن محللين اسرائيليين انون بيفضلو السيسي) رغم انو الاميركان غضبانين على السيسي."

كلنا بفرد خندق يعني

قلنا من الاول يا رفاق. ما تنحازو لهالمحاور يللي مجربينا كتير قبل. صحيح الحزب الشيوعي بمواقفو الرسمية بيبن محايد. بس موقف الشيوعيين العامة منحاز.
خلينا نبني تجربتنا. تجربة اليسار يللي شايف الغلط بمطرحين احلى ما نجن بالآخر متل الرفيق نزار.


الثلاثاء، 6 أغسطس 2013

كنا خمسة بالتاكسي 15: رومانسيات من هوليوود


كنا خمسة بالتاكسي. 
هلق ما كنا خمسة كنت لوحدي والتاكسي متجه من الكولا على مار الياس. بيوقف الشوفير لبنت عم تحكي على التلفون بتقطع الحديث لتقلو : كركون الدروز، بيقلها شرفي.
طلعت الاخت وبعدو تلفونها شغال. مش مشكلة لهون. المشكلة بالحديث.
الاخت: عبد انت حياتي يا عبد. انت روحي.
سكوت. عبد يتكلم.
الاخت: عبد انا ما في شي بيفرقني عنك الا الموت يا عبد.

لا حول ولا قوة الا بالله من وين طلعتلي هيدي هلق. يعني انا مارق بازمات عاطفية وهيي جايي تحكي عواطف حدي.
شي متل فيلم مصري قديم. ويمكن تطلع هيي شادية وعبد يطلع عبد الحليم حافظ. "علشان احنا مع بعضينا ولا حدش بيبص علينا".


انا بالاساس شخص مش رومانسي وزاد على هالموضوع التجارب الفاشلة المتلاحقة لتخفف من الرومانسية.
وفيك تزيد تعقيدات العلاقات بمجتمعنا المعاصر. في صبايا كتير : صديقات ورفيقات وقريبات وزميلات بالعمل وزميلات بالدراسة وعابرات سبيل. من الكتير حلوة للبشعة لكن عندها فهم. في يللي بتقتل حالك كرمالها وهيي ما بيكون بدها لاسبابها وفي يللي بتقتل حالها كرمالك وانت ما بدك لانو مدرك انو ما بتناسبك (غير تفكير ، غير طريقة بالحكي، غير اهداف وتطلعات و مطارح ووو )، في يللي بتضلها تضحكلك تعطيك وج وبتطلع بالآخر مخطوبة (لاقيتك والدنيي ليل قلتيلي مخطوبة) وفي يللي بس بدك تجي لتحكيها انو انا معجب فيكي وقبل ما تحكي بتقلك بتعرف شو انا ارتبطت من شهر (بحياة الله لو جيت قبل بشهر) وفي يللي بتفوت معها بعلاقة بتطلع عم تكفر لرب العلاقات (انو شي ما خصو بشي) وفي وفي وفي ...
وفي افلام سينما من هوليوود بتفكرون انو عم يكذبو عاساس انو هوليوود طق حنك والسينما كلها باوروبا. بس لأ بهوليوود بس يحكو رومانسية بيحكو واقع. بتحس حالك بالفيلم يعني.

الاخت: "عبد انا بموت فيك يا عبد"
انا بنفسي : اختك عاختو لعبد. خليني انزل قبل ولو بدي امشي 200 متر احلى ما ضل انا وياها وعبد.
انا للشوفير : "عم نزلني هون عمول معروف".

وكنا خمسة بالتاكسي


الخميس، 1 أغسطس 2013

أقتربي

ماء كثير في فمي، 
اغض الطرف واصمت. 
اكبت مشاعري كعادتي.
دعينا من الكلام
لدي حاجة الآن للانتقام
وانت لديك نفس الحاجة.
نحن في نفس الزورق، 
تعالي سأنتقم بك من الشرق الاوسط كله، 
سأنتقم بك من كل الجميلات اللواتي خدعنني.
أشغلي الراديو، 
سميح شقير يغني محمود درويش:
"قمر على بعلبك 
ودم على بيروت"
اقتربي بصمت، 
يحمر وجهي خجلاً كالعادة، 
لكني لا أبالي،
الآن أريد ان انتقم أمام اعينهن،
اتكأي علي، 
دعيني أتمعن برؤية فخذاك، 
دعيني ألامسهما قليلاً.


تحتقن اعضائي،
اقتربي أكثر، 
أرقصي على أنغام الموسيقى
بجسدك الرشيق.
أقتربي،
غطي وجهي بضفائر شعرك الطويل، 
ثم التصقي بي أكثر.
دعيني أنام على صدرك العارم، 
اداعبك ثوانٍ قليلة، 
ثم بعدها دعيني أموت.
اكملي الأغنية.
"يا ليت لي قلبك 
لأموت حين اموت"