الجمعة، 16 ديسمبر، 2011

لقاء مع سامي حواط

- شو في ما في؟ في شي ما شي. 
في سامي حواط بالنادي الصوتي.
في صوت اللي ما الهون صوت جايي لعند حضرتنا من الرأي العام. جايي لعند المثقفون. 
جايي لنتلاقى "الراس عالراس العين بالعين " وفنجان قهوة عالريحة من ركوة عرب.
جايي سامي بلا ولا شي. لانو نحنا منحبو بلا ولا شي. 
و منحبو بس مع العود و منحبو يكون اكبر سلطان ومسلطن عالطرب. 

شو في ما في؟ في اشياء كتير مش ماشي
في "احد الاخوان" واخوان كتير خلونا نصير قرفانين وتعبانين وهلكانين .
في سوق الخياطين عم يخيطوا كراسي ومناصب. 
وفي ضباع مفتولين الروس وفلتانين.
في مية حزب وطايفة وقبيلة .
وفي دينو ودينا ومية دين. 
في بيروت كبرى وعجقة كتير.
في "اهل المغني" ودماغنا وجعنا وما عم يوقفو. 

شو في ما في؟ في كم شغلة ماشية
في عمال.
وفي غيفارا .
وفي حلا و رواق وفرح .  
وفي بلادنا التي لن نرحل منها.

سامي حواط اهلا وسهلا فينا وفيك . خلينا نصرف ونكتر عالعمياني موسيقى وشعر وفن تنضل شعرا واطفال .
اهلا وسهلا فينا وفيك . جمول بيتك بتحييك.




ليست هناك تعليقات:

إرسال تعليق