الاثنين، 22 أغسطس 2011

موعود


موعود بسهرة حمرا
ودقدق كاسات
اشرب ما اشبع خمرة
واقطف بوسات
من خد الحلوة السمرا
والها بالذات
قاصدها بحج وعمرة
وزور العتبات
عم قدس هزة خصرا
ورتل صلوات
للهوا اللي لاعب شعرا
لاحلى نسمات
لشفاف المزروعة حمرا
وتضوي بسمات
موعود بعد السكرة
باحلى لحظات
تعطي دقيقة من عمرا
تحيي الاموات
تأمر وننفذ امرا
متل الضباط
ولو متنا كرامة ظفرا
وذاعوا النعوات
رح بيقولوا بالنشرة
استشهد ما مات 

ليست هناك تعليقات:

إرسال تعليق