حرقة

- متل رف الحمام عميدنة جامع
تفرقوا العشاق بين فيلتمان وجامع
طل يللي تحت جانحك كنت جامع
هالعنقود اللي فرفطوا الزمان .

- لا تواخذ اللي بيومك كان ناسي
التهى بحرب البافانا والديوك
قال مبارح تذكروا عاصي
وعصوت الشعب نسيوا يحيوك
عاصي وفيروز و زياد عراسي
لكن انت بتضل بالقلب ما محيوك
بيضل صوتك يهز الكراسي
ويخوف اصحاب المصاري والصكوك
ورصاص جمول دوى بمتراسي
وزرع وردة بجبال الباروك
و ببتغرين عم تدقدق جراسي
وبجنوب الشهادة بالدم بيفدوك
ووبيروت من ميل تعاسي
ومن ميل عيد لموسيقى الروك
عنا يا رفيق بيكرهو القداسة
لا تعتب عليهون ان ما ذكروك
كنت مفكر التوك باهل السياسة
لكن يبدو يا رفيقي منا وفينا التوك

احسان